| Pertaining to Coem. Priscillae (via Salaria Nova) |
| Titulus sepulchralis |
| Date: 375-399 |
| Edition(s): ICVR IX, 24831; ILCV, 967; CLE I (nn. 1-859), 787 |
| quam d(omi)no fuerant devota mente parentes qui confessorem talem genuere potentem adque sacerdotem s(an)c(tu)m sine felle columbam divinae legis sincero corde magistrum.- haec te nascentem suscepit eclesia mater uberibus fidei nutriens de[vot]a beatum qui pro se passurus eras mala cuncta libenter. parvulus utque loqui coepisti dulcia verba, mox scripturarum lector pius indole factus, ut tua lingua magis legem quam verba sonaret. dilecta a d(omi)no tua dicta infantia simplex, nullis arte dolis sceda fucata malignis officio tali iusto puroque legendi. adque item simplex adulescens mente fuisti, maturusque animo ferventi aetate modestus remotus prudens mitis gravis integer aequus haec tibi lectori innocuo fuit aurea vita. diaconus hinc factus iuvenis meritoq(ue) fideli(s?) qui sic sincere caste integreque pudice, servieris sine fraude d(e)o qui pectore puro. atque annis aliquot fueris levita severus, ac tali iusta conversatione beata dignus qui merito inlibatus iure perennis huic tantae sedi Chri(st)i splendore serenae electus fidei plenus summusque sacerdos, qui nivea mente immaculatus papa sederes, qui bene apostolicam doctrinam s(an)c(t)e doceres innocuam plebem caelesti lege magister. quis te tractante sua non peccata reflebat? in sinodo cunctis victor superatis iniquis sacrilegis nicena fides electa triumphat, contra quamplures certamen sumpseris unus, catholica praecincte fide possederis omnes. vox tua certantis fuit: “ haec sincera salubris ” atque ” nec hoc metuo neque illud committereq(ue) opto ”. haec fuit haec semp(er) mentis constantia firma. discerptus tractus profugatusq(ue) sacerdos, insup(er) ut faciem quodam nigrore velaret, no(sset?) falsa manu portante symbola caeli ut speciem d(omi)ni foedaret luce coruscam. en tibi discrimen vehemens non sufficit unum. insuper exilio decedis martyr ad astra atque inter patriarchas praesagosq(ue) prophetas inter apostolicam turbam martyrumq(ue) potentum cum hac turba dignus maediusque locatus mitteris in d(omi)ni conspectum iuste sacerdos. inde tibi merito tanta est concessa potestas ut manum inponas patientibus incola Chri(st)i daemonia expellas purges mundesque repletos ac salvos homines reddas animoque vigentes per patris ac filii nomen cui credimus omnes. cumque tuum hoc obitum praecellens tale videmus spem gerimus cuncti proprie nos esse beatos, qui sumus hocque tuum meritum fidemq(ue) secuti |
| Antonio Enrico Felle, 11/11/2003 |
| Last update by Antonio Enrico Felle on 08/09/2020 |