| Pertaining to Basilica S.Petri apostoli (via Cornelia) |
| Titulus sepulchralis |
| Now Lost |
| Date: 615 |
| Edition(s): ICVR II, 4159 |
| vita hominum brevis est certa hanc determinat hora sed vitae aeternae inde paratur iter quo non indecora aut rursus peritura videntur sed pulchrum atque decens iam sine fine manet dic igitur quid mors stimulis agitaris iniquis quid fremis incassum quid furibunda geris commoda 'a tibi poterunt tua facta referre nec prodesse potest impetus iste tibi Gregorii semper monita atque exempla magistri vita opere ac dignis moribus iste sequens quo hunc terrere putas sunt huius maxima vota mittere ad astra animam reddere corpus humo saucia multiplici siquidem nam membra dolore rursus in antiquo pulvere versa manent quae coniuncta animae stabilito in corpore surgant ad vitam aeternam te pereunte magis sancta fides merito vitae clementia patris spem certam hanc famulos iussit habere suos. hic requiescit Bonifatius iunior qui sedit annos V menses VIII dies XII depositus oct(avo) idus maii imperante dom(ino) n(ostro) Heraclio [---] anno eius II |
| Antonio Enrico Felle, 11/11/2003 |